A Axencia Galega para o Desenvolvemento Rural da Consellería do Medio Rural asinou un convenio de colaboración co Concello de Boborás para proxecto senlleiro para a posta en valor das pontes históricas de Ponte Vella e da Cruz, e a da de Porto Pereiras e Parada de Cameixa, o orientado á conservación do seu patrimonio e a súa promoción turística por valor de 28.202,56 euros.

A Xunta de Galicia a través da Axencia Galega de Desenvolvemento Rural (Agader) concédelle ao Concello de Boborás unha subvención para a remodelación e integración da contorna do inmoble para usos sociais no núcleo rural da Aldea Modelo do Penedo de Xuvencos.

A proposta está enfocada na remodelación dos materiais de pavimento e no tratamento dos bordes para a rexeneración paisaxística da contorna, atendendo ao carácter e á identidade do núcleo. En base a estas premisas, trabállase con pavimentos pétreos presentes na paisaxe circundante, tales como o granito silvestre, en dous formatos combinables: por unha banda, grandes lousas de 80×40 cm para resolver as franxas que concentran as instalacións e arquetas rexistrables integradas e, por outra, adoquín pequeno (8×8 cm), que se adapta perfectamente ás morfoloxías complexas de borde do núcleo rural.
Nos límites entre o rueiro e as edificacións dispóñense, nos casos onde resulta compatible coa circulación, parterres vexetados con plantas arbustivas e trepadoras, para mellorar a infraestrutura verde e incrementar os servizos ecosistémicos dentro do núcleo. Esta solución detectouse en diversos rueiros do Penedo de Xuvencos, polo que resulta unha característica singular do núcleo rural a potenciar mediante esta intervención.
A actuación contempla o soterramento do cabreado aéreo de electricidade, iluminación e telecomunicacións presentes nos rueiros intervidos, co obxecto de reducir elementos de
impacto e distorsión da paisaxe do núcleo rural. Contémplase a colocación de arquetas rexistrables nos bordes da intervención para garantir que en posteriores fases sexa posible
continuar con estas intervencións de mellora da paisaxe, acadando a totalidade do núcleo.

Cadro de financiación:

A Xunta de Galicia a través da Axencia Galega de Desenvolvemento Rural (Agader) concédelle ao Concello de Boborás unha subvención para a remodelación e integración paisaxística da eira dos horreos no núcleo rural da Aldea Modelo do Penedo de Xuvencos.

A proposta para a eira dos hórreos pretende aproveitar as condicións xeomorfolóxicas do lugar para establecer un espazo de miradoiro que recupere as vistas panorámicas da contorna, xerando unha zona agradable de estancia con suficiente flexibilidade para acoller os diversos usos comunitarios. Préstase especial atención ao tratamento dos elementos patrimoniais, tanto dende o punto de vista da restauración das arquitecturas populares como no tratamento de borde entre as zonas pavimentadas e as preexistencias, tales como os afloramentos rochosos singulares existentes.

Así, para o rueiro proponse un pavimento de adoquín de granito silvestre moreno que permita adaptarse ben aos bordes irregulares, combinado cunha franxa central de lousas rectangulares (80×40 cm) do mesmo material. Baixo esta disponse unha zanxa de instalacións con diversas arquetas rexistrables integradas e as canalizacións necesarias que permitan soterrar o cabreado aéreo, mellorando a calidade da vista panorámica dende a eira.

Cos bordes entre a eira e os rueiros colindantes dispóñense igualmente franxas do mesmo pavimento, rexuntado con area para fomentar a aparición de herba entre as pezas, o que mellora a integración paisaxística e o diálogo co espazo de eira, no que se mantén o firme natural existente. Sobre este, nalgunhas zonas, e a petición dos veciños, disponse un empedrado de lousas de granito silvestre moreno asentadas e rexuntadas con area, característico neste tipo de espazos para realizar a tradicional malla. Este espazo empedrado conecta a zona da fonte coa zona de estancia e a lareira, e insinúa o acceso aos hórreos. Os límites do pavimento son difusos para favorecer a súa integración no espazo da eira.

Cuadro de financiación:

O BOP de Ourense de data 14/03/2022 ven de  publicar o anuncio da convocatoria para a contratación temporal de 4 peóns durante  6 meses.

Prazo de presentación a partir do 15/03/2022 durante 5 días naturais.

Descarga as bases: 20220315_Declaración_BASES REGULADORAS DO PROCESO SELECTIVO PARA A CONTRATACIÓN LABORAL TEMPORAL DE 4 PEONS DE SERVIZOS MÚLTIPLES A TRAVÉS DO PROGRAMA DE EMPREGABILIDADE DA DEPUTACIÓN PROVINCIAL DE OURENSE

Descarga aquí o anuncio do bop: 20220314_BOP

Listado definitivo de admitidos e horario de probas: Resolución de alcaldía de listado de admitidos definitiva e probas

Acta asinada: 20220325_ACTA ASINADA

Decreto de nomeamento: 20220325_Resolución_DECRETO 2022-0070 [DECRETO DE NOMEAMENTO]

O camión do punto limpo irá rotando por todas as parroquias, onde se poderá reciclar todo tipo de residuos, unha iniciativa que conta coa colaboración económica da Consellería de Medio Ambiente, Territorio e Vivenda, subvencionada o 100% cun coste total de 69.127,30 euros.

Hoxe, coa presencia da Alcaldesa, Patricia Torres, en Boborás no entorno do colexio público, presentouse o camión e explicáronse os detalles do seu funcionamento. O servizo do punto limpo chega así a tódalas parroquias do Concello de Boborás. Un modo de reciclar diferentes residuos que se pon ao carón da veciñanza para xerar maior impacto e facilitar a correcta xestión dos residuos domésticos.

Este camión ten un funcionamento bastante sinxelo. Deixase unha plataforma no lugar desexado, a cal está dividida nas diferentes fraccións que se poden reciclar, como por exemplo os pequenos electrodomésticos, pilas, papel, vidro, roupa, calzado, entre outros residuos. Con esta iniciativa o concello pretende sensibilizar á veciñanza na necesidade de reciclar para protexer o medio ambiente e loitar contra o cambio climático.

Polo que queremos animar a todos os veciños e veciñas de Boborás a separar correctamente os residuos e usar este novo servizo posto en marcha polos concellos para facilitar esta boa acción. O único requisito para participar e ter gañas de reciclar  e de defender a nosa natureza.

Durante o día de hoxe e mañá persoas promotoras percorreran o concello para explicar o detalle do funcionamento deste punto limpo móbil, falando directamente coa veciñanza e cos comercios. Entregaran folletos e carteis.

No ano 2022, esta previsto facer unha actividade nos centros educativos, para que a través dos nenos e nenas a concienciación chegue a tódolos fogares.

A iniciativa, de financiación europea, conta co apoio da Consellería de Medio Ambiente, Territorio e Vivenda.

Podes descargar aquí o díptico informativo: DIPTICO-boboras-web-1

ITV para Tractores:

A Unidade Móbil 05 de inspección técnica de AGRICOLAS desplazarase ao Concello de BOBORÁS nas seguintes datas e ubicacións:

Será o 24/11/2021 no Campo de Futbol Antigo (Boborás)

O horario de atención será de 9:00 a 13:30 pola mañá.

Para solicitar cita previa:

Por teléfono: 902 30 90 00
A través da páxina web: www.sycitv.com – Cita previa

O Concello de Boborás vai contratar 3 novos peóns forestais a través da subvención da Xunta, Aprol Rural. É así, que o contrato de duración será de 9 meses,  e con xornada completa.

Os interesados deberán estar anotados no INEM, quen será quen remite a selección a concello.

Para máis información: oficinas do concello ou no teléfono 988402008

Descarga aqui as bases:

20210625_Declaración_BASES PARA A PROVISIÓN DE TRES PRAZAS DE PEÓN FORESTAL

• Actualización: 06/07/2021

20210706_ACTA ASINADA

20210706_Resolución_DECRETO 2021-0323 [RESOLUCION DE ALCALDIA