Xendive – Concello de Boborás

Unha variedade de rincóns para explorar

DESCOBRE XENDIVE

Formada por: Meixe, Nogueira, Pereiras, Porto Pereiras, Xendive.

CASA SOLARIEGA

Casa solariega con antiga planta cadrada e posible patio interior, mais cunha pequena parcela adscrita na traseira na que se atopa un pombal. Torre principal de baixo e dúas plantas con remate en cuberta a catro augas e decoración de pináculos e bolas. Muros de cadeirado de pedra e cubertas a dous e catro augas. Planta baixa xeralmente para os animais e apeiros mentres a planta nobre atopase no primeiro piso. Na actualidade atopase dividida entre varios propietarios.

CRUCEIRO DE XENDIVE

Cruceiro sen base ou composta por un chanzo inferior. Fuste ou varal desección octogonal rematado en capitel dórico cuadrangular e tronco piramidal invertido. Cruz simple no remate.

IGREXA DE SAN MAMEDE

Igrexa de orixe gótico, aínda que a fábrica orixinal desapareceu o longo das múltiples transformacións o longo dos séculos. A nave central remata nun presbiterio de maior altura que ten tres absidiolas nas súas caras a modo de cruceiro e ábsida. A fachada restaurouse no século XIX presentándose lisa e estructurada por catro pilastras que sosteñen un entaboamento. Rómpense no centro en dous vanos para a porta central. Cunha espadana neoclásica con pináculos e bolas e campanario en dous corpos: o baixo con sección cadrada e balaustrada metálica e a de arriba de sección octogonal e rematado en cúpula.

POMBAL DE PORTO PEREIRAS

Pombal de planta circular e peche de cachotería e pedra recuberta con lucido branco. Porta de acceso sobre elevada e con tornarratos. O redor do seu perímetro na parte alta temos un pousadoiro que da acceso os ocos de estrada os nichos onde fan os niños. A cuberta e de lousa e remata cun pináculo. Pertence a casa señorial do núcleo.

PONTE DA BUBELA

Ponte medieval pola que pasaba o camiño real que ía de Pontevedra ao Orcellón, construído con fabrica de cadeirado, a ponte presenta un robusto machón no que estriban dous arcos de medio punto de semellante luz, asentado sobre a propia rocha. Tiña varanda de pedra e foi substituída por unha de ferro.

REITORAL DE XENDIVE

Casa tradicional con planta en forma de “L” creando un pequeno patio cunha parcela adscrita na traseira. Muros de cachotería de pedra e pezas regulares en linteis e xambas das ventás. A cuberta a catro augas ten cubrición de tella curva, plana e lousas. Planta baixa para os animais e apeiros mentres a planta nobre atopase no primeiro piso. Na actualidade atopase maiormente en ruínas e deshabitada.