• 24 de xuño: San Xoán

• 27 de xullo: San Pantaleón

Edificación de orixe románico con transformacións posteriores en muros de aparello de cadeirado dunha sola nave e presbiterio mais alto con capelas laterais. Porta con lintel e oco a modo de rosetón. Remata o fronte en espadana de dobre vano arquitrabado e pirámide de bolas nas esquinas. De época medieval quedan os canecillos nun dos laterais de nave principal e os contrafortes exteriores. Curiosamente ten o seu redor doce cruces marcadas nos seus muros a modo de viacrucis.

Gran casa tradicional a modo de pazo con dobre planta rectangular e patio interior delimitado por ambas edificacións de baixo mais un, ademais dos muros e portalón de acceso. Muros de bo cadeirado de pedra e cubertas a catro augas. Ocos principais con linteis, gran galería na peza superior e balconada sobre ménsulas na inferior. Planta baixa para os animais e apeiros, mentres a planta nobre atopase nos primeiros pisos. Ten unha gran finca duns 12.000 m2 con cómaros e socalcos, muros de contención de pedra e amplos viñedos que está vinculada a el.

Peto de ánimas dos chamados rudos polo simple da iconografía e atoparse engadido o muro de peche da finca. A importancia está no elemento arquitectónico de cubrición con dous piares de pedra, e unha gran lousa saínte apoiada nos mesmos. Sobre a lousa e apoiada nunha base piramidal ten unha cruz. Tamén baixo a ornacina coa pintura da virxe atopamos unha repisa onde sitúase o oco da alcancía que lle da o nome de “peto” o elemento.