• 24 de agosto: San Bartolomeu

• 19 de setembro: Romaría da Saleta

Capela de planta rectangular e de dimensións medias. De aparello de cadeirado nos muros exteriores con bo estado de conservación. Pináculo caliciforme a ambos lados da fachada. Porta con lintel e pequena solaina encima da mesma. Está situada o sur este do núcleo de Fondo de Vila e ten o entorno habilitado para seu uso e unha boa situación e acceso. Nela celébrase a tradicional Romaría da Saleta.

Cruceiro na área da capela da Saleta, disposto sobre o cumio dunha rocha, con base circular, o mesmo que o fuste mentres que o capitel e cruz son de sección cadrada. Situado o sur este do núcleo de Fondo de Vila.

Cruceiro simple sen chanzos e directamente a base. Fuste de sección inicial cadrada para pasar de seguido a octogonal ou cadrado coas esquinas en chafrán. Capitel escalado invertido e cruz simple sen esculturas.

Igrexa do románico de transición coa influencia do gótico nos arcos ca envolven. Planta rectangular de unha soa nave e ábsida semicircular. Na fachada ten unha portada de triplo arquivolta con tres pares de columnas de capiteis con motivos vexetais e  pombas afrontadas. A porta enmarcada entre dous contrafortes unidos por un quita chuvias na parte superior apoiado en 5 canecillos. Porta norte alta e estreita con tímpano sobre mochetas lisas. Na ábsida gran profusión decorativa, tanto nas 3 ventás como nos canecillos con formas de monstros e animais con libros e instrumentos musicais. 

Foi declarada Monumento por Decreto o 29 de Marzo de 1946. (BOE do 10/04/46).

Fonte de pedra situada na entrada do núcleo. Consta de un frontón, de perpiaños de pedra rematado cun pináculo, do que sae o caño de pedra redondo. Dedúcese que foi remodelada por a cubrición de cachotería que ten o seu redor.