Diríxome a vostedes como alcaldesa dun municipio onde a arte e a natureza camiñan da man. 

Xa sexan veciños e veciñas do noso Concello, ou visitantes das nosas terras; práceme darlles a benvida. Este é un lugar, entre o Ribeiro e o Paraño, regado polos ríos Avia, Arenteiro, Viñao…entre outros, de cores verdosas e no outuno ocres e marróns, onde a natureza ten sons, ten vida, e a historia adiviñase e intúese en cada pedra, en cada monumento.

Pazos, pontes medievais, igrexas románicas e barrocas, castros, mámoas, restos de torres, eiras, horreos, cruceiros…forman parte da nosa riqueza arquitectónica.

Traballamos a diario para por en valor o noso, para que cada vez sexan máis os que nos visitan pero sobre estamos enfocados na mellora dos servizos, das políticas sociais, nas infraestruturas, en diferentes actividades culturais, deportivas…para que Boborás sexa un lugar ideal para vivir. Cerca de todo, na natureza, coa paz do rural…aquí hai vida.

Ana Patricia Torres Madureira

Alcaldesa-Presidenta