Category: cultura
Home / concello /
II Feira de Feás o 7 de xullo de 2019

O Concello de Boborás por segundo ano consecutivo pon en marcha a II Feira de Feás. Trátase dunha iniciativa que pretende recuperar as tradicións do noso municipio, ao igual que se fai ca do Castro en Moldes. Nese sentido haberá mercado, artesáns de oficios antigos, música tradicional en directo…..e por suposto o xa típico pulpo para comer. Facendo referencia a un pouco de historia a Feira de Feás, era todos os días 8 de mes. Como na de Moldes, vendiase de todo. Mesmo había un posto de comidas. Facíase no campo da feira, hoxe existente e recuperado como parque e area de recreo. Tamén tiña moi boa fama, e de feito viña moita xente dos concellos colindantes como o de Beariz e O Irixo, e mesmo dende o das provincia de Pontevedra que eran máis próximos a este territorio. Esta feira desapareceu máis tarde ca de Moldes, no ano 1980, sendo o motivo principal a emigración e tamén o abandono do campo como medio de traballo.

Podes consultar aquí o cartel:

Os Bolechas veñen a Boborás

A Secretaría Xeral de Política Lingüística da Xunta de Galicia, dentro do programa Fala Redes,  trae a Boborás o espectáculo de Títeres dos Bolechas no local social de Brués, ás 19.00 horas. É unha actividade totalmente gratuíta para nenos e nenas coa que se pretenden potenciar a lingua galega entre os máis pequenos co título “Somo unha gran familia”.

Non faltes, a diversión está garantizada.

 

 

Se queredes saber máis dos bolechas podes facelo no seguinte enlace: https://osbolechas.gal/

BOBORÁS REABRE AO PÚBLICO A RUTA DO POZO DOS FUMES

O Concello de Boborás reabre a Ruta do Pozo dos Fumes de Pazos de Arenteiro ao público, logo das obras de legalización e posta a punto da mesma. Trátase dun dos sendeiros máis coñecidos non só do Concello, senón de toda a comarca dada a súa beleza e por transcorrer polo marxe esquerdo do río Arenteiro, cun mirado cara unha fervenza coñecidas como Fumes.

O sendeiro fora denunciado no seu día por Move Boborás, e a pesar de que fóra construída en 1999, a Confederación solicitude a legalización da mesma. Nese sentido, o que solicitou foi a elevación das pequenas pontes de madeira que salvaban pequenos regatos que remataban no río. Así mesmo, tamén a colocación de vallas de protección en diferentes pasarelas.

O permiso para a legalización da mesma chegou ao Concello en febreiro de 2018, e o Concello meteu as obras na subvención do Fondo de Compensación Ambiental na súa vertente non competitiva, ascendendo a obra a 21.000 euros dos cales a Xunta aportou 10.400 euros. As obras foran rematadas neste caso en novembro de 2018, e agora logo do visto bo da CHMS o Concello levou a cabo as obras que faltaban.

Neste sentido, e dado que mentres que non estivera legalizada a ruta o Concello non podía facer ningún tipo de obra de mantemento na mesma, a entidade local unha vez realizadas as accións solicitadas pola Confederación e unha vez que a técnica lle deu o visto bo ás mesmas levou a cabo unha rehabilitación integral da ruta repoñendo toda a madeira en mal estado por unhas novas e asegurando a instalación existente co fin de garantir a seguridades das persoas que pasean pola mesma.

Entroido 2019 en Boborás: Recuperando tradicións

O Concello de Boborás programa para este 2019 un entroido diferente no que se van a recuperar as tradicións como o caso da figura típica do lugar de Feás, “Os Felos”. Ademáis farase a festa en Boborás, incluíndo grupo musical e actividades para nenos. E para rematar o luns, o día do entroido será en Pazos de Arenteiro coa saída dos Rodos.

Esté é o programa:

Reportaxe dos felos da televisión de Galicia: http://www.crtvg.es/informativos/feas-recupera-os-seus-felos-para-o-entroido-4048511?fbclid=IwAR1wVWV8oju1ZfI5CmSYnCFzSz2ox55G8uWHV9JeKheBRC_3KLEtmsFXpk4

Reportaxe da Televisión do Carballiño: https://www.facebook.com/carballinotv/videos/158209231762159/

Clases de Bailes Latinos en Boborás

O Concello de Boborás pon en marcha unha nova actividade, Bailes Latinos. Será todos os venres de 20.00 a 21.00 horas no Pavillón Municipal. O coste desta actividade é de 10 euros ao mes por persoa.

 

Podes anotarte ou obter máis información nas oficinas do Concello ou no teléfono 988402008.

 

Comezamos o venres 23 de novembro!!!

 

 

Roteiros Culturais polo Concello de Boborás 2018

O presidente da Deputación de Ourense, Manuel Baltar, presentou xunto á concelleira de Cultura e Turismo de Boborás, Patricia Torres, e o arqueólogo Jorge Lamas os “Roteiros culturais 2018”, unha iniciativa didáctica e de lecer que conta co apoio da Deputación de Ourense e que ten como obxectivo “pór en valor para veciños e visitantes o gran legado histórico e as calidades paisaxísticas do municipio de Boborás, unindo natureza e tradición nun dos concellos con maior riqueza patrimonial, un tesouro para os sentidos, que mantén viva a memoria do territorio”, afirmou Manuel Baltar.

As rutas por 14 parroquias do municipio percorrendo os vestixios prehistóricos, a pegada romana, a flora e a fauna, os castros a época medieval e as antigas fábricas de papel, cera e serradoiros, son algunhas das propostas para esta edición. O presidente do goberno provincial destacou a intensa actividade cultural que mantén o concello de Boborás, “protagonista hai días coa entrega do premio “Losada Diéguez” en Moldes, e tamén como escenario para a rodaxe a última película de Isabel Coixet, no fermoso marco de Pazos de Arenteiro e tamén en Moldes”, engadindo que os roteiros “son un exemplo da alianza da Deputación de Ourense e Boborás para seguir promovendo os importantes valores culturais e históricos do municipio”.

Patricia Torres dixo que os 84 quilómetros cadrados que ten o concello “contan cunha grande diversidade xeográfica, que poderemos contemplar nos roteiros, para os cales contaremos coa colaboración do historiador Xosé Luis Sobrado; o mestre, investigador e músico Juan José Álvarez; o biólogo Diego Reboredo, e o arqueólogo Jorge Lamas”. Precisamente Lamas remarcou “o importante labor divulgativo que está a facer o concello de Boborás do seu patrimonio, un territorio que conta co rexistro de: 40 mámoas, cinco castros, pontes medievais, unha ducia de igrexas románicas e antigas fábricas da época moderna, factorías de papel, cera e serradoiros, lugares todos eles polos cales discorrerán os roteiros culturais”, destacou. Ademais dixo que durante os percorridos os guías ofrecerán explicacións sobre a historia do viño na zona e tamén das minas romanas e as de principios do século XX, así como da tradición do mel na comarca.

Preto de mil persoas participaron na pasada edición nos roteiros, unha iniciativa de grande éxito que a Deputación de Ourense segue potenciando xunto co concello de Boborás para divulgar e protexer o patrimonio e o medio natural desta contorna. As rutas, que se iniciaron neste mes de xuño, continuarán ata novembro, os domingos en horario de 9.30 a 13.30 horas, sendo o punto de encontro o núcleo de Boborás. Os percorridos teñen unha distancia duns cinco quilómetros e a diferenza das andainas, nesta modalidade o grupo vai facendo paradas nas parroquias da contorna, onde os guías explican as peculiaridades de cada lugar.

As datas dos seguintes roteiros -actividade coa que tamén colabora o centro de estudos “Chamoso Lamas”- son: en xullo, días 8 e 29, Feás e Cardelle, respectivamente; o 4 de agosto en Moldes; en setembro, os días 2 e 23, Pazos de Arenteiro-Albarellos e O Regueiro-Feás; 0 14 de outubro, a ruta Laxas-Pazos de Arenteiro; e en novembro, os días 4 e 18, a ruta de Moreiras-Xendive e a de Cameixa, respectivamente.

Para participar non é necesario realizar ningunha inscrición, abonda con presentarse á hora de comezo da ruta no punto de encontro, recomendándoselle ás persoas que participen levar calzado cómodo, así como auga e froita ou froitos secos para o percorrido.

 

Carteis das rutas:

 

Axudas para material escolar do Concello de Boborás

O Concello de Boborás abre o prazo de solicitude das axudas de material escolar ata o 15/12/2018. A continuación veñen detalladas as bases reguladoras, para calquera dúbida pode consultar nas oficinas do concello ou no teléfono de contacto 988 402 008.

PREME EN SOLICITUDE PARA OBTER OS FORMULARIOS:

SOLICITUDE

Bases reguladoras que rexerán a convocatoria das axudas para adquisición de material escolar do alumnado de educación infantil, primaria e secundaria para o curso académico 2018/19.

 

PRIMEIRA: Obxecto da convocatoria.

As axudas convocadas mediante as presentes bases, teñen como obxecto o cofinanciamento de material escolar dos alumnos que cursen educación infantil, primaria e secundaria.

Concíbense como un apoio ás familias empadroadas no Concello de Boborás con dificultades socioeconómicas que dificulten a correcta escolarización dos alumnos.

 

SEGUNDA: Orzamento.

O orzamento dispoñible para a concesión das axudas, ascende á cantidade de 1.166,66 €. No caso de que a demanda supere o orzamento dispoñible, priorizarase a concesión segundo a puntuación obtida despois da correspondente baremación, ata esgotar o orzamento.

 

TERCEIRA: Beneficiarios.

Poderán ser beneficiarias as familias que cumplan os seguintes requisitos:

  1. Estar empadroados todos os membros da unidade familiar (pai e/ou nai e fillo para o que se solicitan as axudas) no Concello de Boborás.
  2. Ter fillos matriculados para o curso escolar 2018/19 en educación infantil, primaria ou secundaria. No caso de educación infantil e primaria, será requisito indispensable que se atopen matriculados no CEIP Nosa Señora de Xuvencos, exceptuando ós alumnos dos lugares de Astureses que  teñen asignados os centros educativos de O Carballiño.
  3. Que a renda per cápita anual non supere uns ingresos netos de 6.000 €. Computaranse os ingresos de todos os membros da unidade familiar. A estes efectos, enténdese por unidade familiar os pais dos menores escolarizados así como todos os descendentes e ascendentes que convivan no mesmo domicilio.

Para os efectos desta orde, a renda per cápita da unidade familiar é o resultado de dividir a renda da unidade familiar do exercicio fiscal 2017 entre o número de membros computables, tendo en conta que computarán por dous os membros que acrediten unha discapacidade igual ou superior ao 33 % ou a percepción dunha pensión da Seguridade Social por incapacidade permanente nos graos de total, absoluta ou grande invalidez, ou a equivalente de clases pasivas.

A renda neta per càpita familiar obterase como resultado de realizar os seguintes cálculos en base á declaración da renda do exercicio 2017:

– Sumarase a base impoñible xeral coa base impoñible de aforro.

– Deste resultado restarase a cota líquida resultante da autoliquidación.

Segundo isto, a renda familiar para os efectos da autodeclaración é o resultado de facer as seguintes operacións coa declaración do IRPF:

casiña 392+ casiña 405-casiña 537

O resultado obtido dividirase polo número de membros que forman parte da unidade familiar.

O concepto de unidade familiar será o definido na normativa do IRPF.

Se solicitado o borrador na AEAT esta unicamente comunica os datos fiscais, e polo tanto non o remite, para determinar a renda dos  membros computables que obteñan ingresos propios seguirase o procedemento descrito no punto primeiro e do resultado restaranse os gastos deducibles e as retencións ou pagamentos á conta efectuados.

 

Aclaracións para determinar correctamente a renda anual familiar

– Para determinar a renda anual familiar hai que sumar as rendas obtidas por todas as persoas que integran a unidade familiar. Nesta operación poden presentarse varias situacións:

-Unidades familiares nas que ambos cónxuxes, ou calquera outro integrante dela, perciben rendas e teñen obriga de presentar a declaración anual do IRPF. Neste caso, o importe da renda familiar resultará das sumas e restas das casiñas indicadas, que se obterán de cada declaración, se foron presentadas individualmente- que é o habitual- ou ben, da declaración conxunta.

-Unidades familiares nas que ambos cónxuxes , ou calquera outro integrantes perciben rendas pero só un deles ten a obriga de presentar a declaración. Neste caso, a obtención do importe da renda familiar resultará das sumas e restas das casiñas indicadas, para o membro da unidade que presentase declaración do IRPF máis importe que resulte, para o outro integrante da unidade familiar, dos datos do borrador doo IRPF agás os datos que figuren na casiña 537 correspondente á cota resultante da autoliquidación, dado que o contribuinte non presentou a declaración polo IRPF. No caso de que un dos membros en vez de borrador dispoña dun certificado de imputación de rendas, para realizar o cálculo dos seus ingresos deberá sumar os rendementos íntegros e restar os gastos deducibles e as retencións ou pagamentos a conta efectuados.

-Cando ambos cónxuxes perciban rendas pero non teñan obriga de presentar declaración da renda ou ben cando o cónxuxe ou os cónxuxes non perciban renda ningunha suxeita á tributación no IRPF. Nestes supostos ,os interesados deberán consignar os datos do borrador do IRPF ou no seu caso os datos que figuren no certificado de imputación de rendas do mesmo xeito que no apartado anterior.

  1. A renda da unidade familiar será o resultado de sumar as rendas de cada un dos membros computables da familia que obteñan ingresos de calquera natureza, de conformidade coa normativa reguladora do imposto sobre a renda das persoas físicas.

 

  1. Nos casos de violencia de xénero non se terán en conta os ingresos do agresor para determinar a renda per cápita da unidade familiar.

 

CUARTA: Contía das axudas.

  • Alumnos de infantil: 70 euros por beneficiario
  • Alumnos de primaria: 90 euros por beneficiario
  • Alumnos de secundaria: 110 euros por beneficiario

 

Estas axudas serán incompatibles con calquera outra axuda solicitada para o mesmo concepto (material escolar en outras Administracións).

 

QUINTA: Solicitude e documentación.

As solicitudes presentaranse no Rexistro xeral do Concello de Boborás ou segundo o establecido no artigo 16 da ley 39/2015, do procedemento administrativo común das Administracións Públicas.

Acompañaranse da seguinte documentación:

  1. Fotocopia do DNI do/a solicitante, pasaporte ou NIE.
  2. Fotocopia do Libro de Familia.
  3. Certificado de convivencia.
  4. Acreditación da situación económica e laboral de todos os membros da unidade de convivencia: declaración da renda do 2017. No caso de non estar obrigado a presentala, requerirase o certificado negativo de Facenda e os xustificantes que acrediten os ingresos (certificado do INEM sobre as prestacións de desemprego, certificado de pensións, convenio regulador, de ser o caso, ou calquera outro documento que acredite ingresos). De non poder acreditar documentalmente a situación económica, será preciso a presentación de Declaración xurada.
  5. Informe de vida laboral para os membros da unidade familiar en idade laboral.
  6. Tarxeta de demandante de emprego, de ser o caso.
  7. Fotocopia do certificado do grao de discapacidade e/ou valoración de dependencia, de ser o caso.
  8. Certificado do centro educativo que acredite a matrícula e o nivel escolar que cursa o alumno.
  9. Certificado do número de conta.
  10. Facturas acreditativas do gasto en material escolar no caso de que éste xa fose realizado.

 

SEXTA:TRIBUNAL DE VALORACIÓN

Será designado polo alcalde e terá a seguinte composición:

– Presidente: A traballadora social do Concello.

-Secretario: Un funcionario   da Corporación, persoal laboral fixo da Corporación , habilitado de carácter nacional.ou da Deputación de Ourense designados pola Alcaldía.

-3 vogais: funcionarios ou traballadores do Concello,ou habilitado de carácter nacional. ou da Deputación de Ourense designados pola Alcaldía.

 

SÉTIMA: Procedemento.

Unha vez presentadas as solicitudes no Rexistro Xeral do Concello ou por calquera outro medio recollido no artigo 16 da ley 39/2015, do procedemento administrativo común das Administracións Públicas, procederase á valoración por parte do Tribunal  da documentación presentada e a posterior baremación para establecer unha orde de prioridade, no caso de que sexa preciso. De existir expedientes coa mesma puntuación e esgotar o crédito dispoñible, terá prioridade o que posúa unha menor renda.

O órgano competente para a instrucción será a Concelleira de Cultura.

O órgano competente para resolver a concesión ou denegación será o Alcalde-presidente, en base á proposta do Tribunal de Valoración unha vez realizada a avaliación e baremación.

Comunicarase a resolución á persoa interesada no prazo dunha semana.

 

OITAVA: Criterios de avaliación e baremo.

Teránse en conta os seguintes factores para determinar unha puntuación segundo o maior grao de necesidade:

  1. Situación socioeconómica:
  • Familia na que o sustentador principal se atope en situación de desemprego: 5 puntos.
  • Familia numerosa: 5 puntos.
  • Familia monoparental: 3puntos.
  • Familia na que algún membro teña recoñecido o grao de discapacidade e/ou valoración de dependencia: 3puntos.
  • Familia na que o sustentador principal sexa víctima de violencia de xénero: 5puntos.
  1. Factores sociais:
  • Familia incluída no Programa de Educación Familiar: 5puntos.
  • Familia beneficiaria de RISGA: 5 puntos.

 

NOVENA: Prazo de presentación de solicitudes.

O prazo será de un mes a partir do día seguinte á súa publicación no BOE.

 

DÉCIMA: Xustificación e pago das axudas.

Procederase ó pago da axuda concedida unha vez sexa presentada a factura ou facturas oficiais correspondentes ós gastos en material escolar. A data límite para a presentación de facturas será o 15 de decembro de 2018.

 

Aberta inscrición para o Programa de Conciliación Laboral

O Concello de Boborás pon novamente por terceiro ano consecutivo o programa de Conciliación Laboral en apoio o horario escolar. Os horarios no mes de setembro serán das 7.15 horas ás 9.15 horas da mañá, e de 14.15 horas ás 18.00 horas. A partir do mes de outubro serán de 7.15 a 9.30 horas e pola tarde de 16.00 a 20.30 horas.

Inscrición aberta durante todo o curso. Servizo gratuito para as familias, financiado polo Concello de Boborás e a Deputación de Ourense.

 

Para máis información chamar ao 988402008.

 

Pincha aquí para descargar a ficha de inscrición:

Inscric. Conciliación Boborás 18-19

II EDICIÓN DA FESTA “A BATALLA. 1809” EN PAZOS DE ARENTEIRO

O Concello de Boborás e a Asociación Cultural A Batalla organizan a 2ª edición da festa de recreación histórica “A Batalla. 1809” que recrea os feitos acontencidos o 2 de marzo de 1809 cando 300 valerosos autóctonos capitaneados por Cachamuiña se enfrentaron contra 1000 soldados do exército francés de Napoléon na Ponte da Cruz, evitando o avance das mesmas. A cita será o 18 e 19 de agosto en Pazos de Arenteiro, no término municipal de Boborás.

Tralo éxito do ano pasado, nesta ocasión os voluntarios preparan con ansia esta segunda edición na que se estrearán os traxes dos soldados recreando o do rexementos do 66, un dos que se atopaba en Ourense no momento do enfrentamento. Así mesmo, os galegos tamén lucirán as vestimentas da época.

Ademais coma o ano pasado as esceas feitas polos propios voluntarios, que suman 80 persoas,  sorprenderán a todos os asistentes, completando un programa cheo de actividades.

Ven e víveo!!

Boborás e a Deputación de Ourense presentan os “Venres Interpretados” en Pazos de Arenteiro

O municipio de Boborás prepárase para acoller os “Venres interpretados”, unha iniciativa coa que da a coñecer os lugares máis emblemáticas da zona antiga de Pazos de Arenteiro, como a igrexa, a casa reitoral, os pazos, e outros lugares destacados, a través dun total de 11 visitas interpretadas. A presentación desta proposta cultural tivo lugar o día 26 de xuño no Pazo Provincial, acto no que participou o vicepresidente da Deputación de Ourense, Rosendo Fernández; a concelleira de Cultura e Turismo de Boborás, Patricia Torres; e a representante de “Plan B”, entidade organizadora da actividade, Sonia Buján.

A Deputación de Ourense colabora con esta iniciativa cultural que “pon en valor e da a coñecer o noso patrimonio, tanto aos turistas coma aos propios veciños, para que a través do teatro, poidan descubrir os lugares máis emblemáticos da zona antiga desta aldea”, explicou Rosendo Fernández.

O lema desta edición é “Saca o artista que levas dentro” e as visitas comezarán o 29 de xuño, e repetiranse tódolos venres ata o día 7 de setembro, ás 22.00 horas, para aproveitar a escuridade para unha mellor ambientación da trama. Nas visitas, cunha duración aproximada dunha hora, participarán catro actores que irán saíndo ao encontro dos participantes, creando unha atmosfera de misterio na que, chegado o momento, o grupo terá que implicarse na procura de descifrar un feito esencial relacionado co evento.

“A sorpresa é parte do atractivo desta actividade coa que se destaca o valor dos lugares de tanta riqueza patrimonial desde o punto de vista lúdico”, explicou Sonia Buján, afirmando que facer estas visitas por medio da interpretación “permite chegar a máis xente”.

A concelleira de Cultura e Turismo de Boborás agradeceu a colaboración da Deputación de Ourense para poder desenvolver esta iniciativa, e salientou o éxito que está a ter esta proposta cultural tanto con veciños do municipio e da contorna como por parte de turistas” posto que no ano 2017 esta iniciativa acolleu 700 participantes.

Os interesados en participar nestas visitas, que son de balde e para tódolos públicos, deberán realizar a súa reserva a través dos números de teléfono: 645865080 ou 619442622. O aforo de cada visita está limitado a 30 participantes por sesión, “co obxectivo de que todos poidan gozar da actividade ao cen por cen”, sinalou Sonia Buján.

Campamento de Verán 2018

Como tódolos anos o Concello de Boborás pon en marcha o seu campamento de verán, que ademais comeza nada máis rematar o cole e acaba o venres anterior ao comezo deste. Trátase dunha pequena axuda á conciliación das familias e para que os nenos e as nenas pasen un verán divertido e cheo de actividades. Tamén sabemos que é importante que os nenos e as nenas descansen, e pasen tempo coas familias, e neste sentido invitamoslas tamén a que aproveiten este periodo vacacional para estar cos pequenos e pequenas da casa.

Os nenos e as nenas que están no cole levarán nestos días a ficha na mochila, mentres que os demáis poderán facer a inscrición no propio Concello.

O campamento é para nenos e nenas empadroados/as, escolarizados/as en Boborás e aqueles/as que pasen as súas vacacións nas casas dos seus familiares neste municipio.

Podedes descargar as fichas de inscrición aquí:

FICHACAMPAMENTO

DEREITOS DE IMAXE (1)

RECOLLIDA (1)

 

 

Para máis información chamar ao teléfono 988402008.

Luis Axeitos e Xosé Benito Reza, gañadores do Antón Losada Diéguez 2017

ACTA DO FALLO DO XXXIII EDICIÓN DO PREMIO ANTÓN LOSADA DIÉGUEZ

 

Na casa do Concello de Boborás, sendo as once horas e once minutos do día vinteoito de abril de 2018, reúnese segundo o previsto nas Bases o Xurado para fallalo PREMIO ANTÓN LOSADA DIÉGUEZ na súa XXXIII EDICIÓN, composto polos seguintes membros.

 

PRESIDENTA:

– Dona Ana Patricia Torres Madureira, concelleira de Cultura de Boborás

VOGAIS:

– D. Diego Fernández Nogueira, concelleiro de Cultura do Concello do Carballiño

– D.  Manuel Doval Soto, deputado de Cultura da Deputación de Ourense

– Dona María Xesús Pato Díaz, representante da Real Academia Galega

– D. Francisco Calo Lourido, representante do Museo do Pobo Galego

– D. Pegerto Fernández Saavedra, representante do Concello da Cultura Galega

– Dona María Teresa López Fernández, representante da Universidade da Coruña

– D. Xosé Manuel Salgado Rodríguez, representante da Universidade de Santiago de Compostela

 

SECRETARIO:

  • Jorge Moreno Martín-Caloto, secretario do Concello de Boborás.

NON ASISTE:

  • Xosé Henrique Costas González, represente da Universidade de Vigo.

 

 

Despois do saúdo aos membros do xurado por parte da Concelleira de Cultura do Concello de Boborás, presidenta do xurado, declarase aberta a sesión.

Seguidamente procedese polo xurado a deliberar sobre as obras presentadas e admitidas segundos as bases, separando as de Creación Literaria e as de Investigación e Ensaio.

INVESTIGACIÓN E ENSAIO

Polos membros do xurado analízanse unha e cada unha das obras que se incluíron no campo de investigación e ensaio.

O xurado, despois dun intenso debate dada a calidade das obras presentadas decidiu por maioría conceder o premio a seguinte obra:

“MANUEL ANTONIO. UNHA VIDA DE REBELDÍA”

AUTOR: XOSÉ LUIS AXEITOS

EDITORIAL: XERAIS

 

Xustificación:

“Unha achega moi ben definida: á vida do poeta rianxeiro, analizada por un investigador de grande altura que leva moitos anos dedicado a desvelar o misterio do autor recoñecido dende sempre, pero non sempre ben coñecido. Con este libro o profesor Axeitos culmina o seu proxecto de presentarnos a Manuel Antonio, o poeta vangardista e o cidadán liberado de convencionalismo, tal cal foi, sempre á procura da liberdade.

É o ramo a edición completa da obra de Manuel Antonio. Un traballo filolóxico monumental. Extraordinario traballo de investigación nos diversos campos e no que prima o selo contrastado sobre calquera especulación.

Achega unha extraordinaria información sobre o autor, familia, contexto, formación, escola de náutica e navegación, participación política e literaria, enfermidade…

Unha visión significativa e nova sobre Manuel Antonio.”

 

 

 

 

CREACIÓN LITERARIA

Polos membros do xurado analízanse unha e cada unha das obras que se incluíron no campo de Creación Literaria.

O xurado, despois dun intenso debate dada a calidade das obras presentadas decidiu por maioría conceder o premio a seguinte obra:

 

“TERRADENTRO”

Autor: Xosé Benito Reza

Editorial: Xerais

Xustificación:

“Esta obra, escrita nun galego de grande riqueza, e cunha firme raíz, ou variante lingüística ourensá, achéganos a un mundo a piques de desaparecer, con personaxes moi ben trabados e construídos, especialmente o avogado da vila, un arquetipo de Galicia interior que, por diversas circunstancias,  vai ter que se enfrontar a tres misteriosos asuntos: A morte violenta dun vedraio fidalgo na súa casa, a busca da fronteira dos tesouros do que falan as lendas, tesouros soterrados dos mouros e unha inesperada aparición que conmociona a vila: a cadela do alcalde un bo día aparece pintada de verde.

A perda do equilibrio e da perfecta simbiose do pasado, xunto coa recreación e a evocación da paisaxe determinan un ritmo áxil e atractivo. En definitiva, Terradentro recolle o mellor da narrativa galega do pasado, en concreto a descrición dos lugares e dos accidentes xeográficos, introducindo novidosos elementos de avangarda que fan da novela o retrato literaturizado da realidade da Galicia interior.”

Non habendo máis asuntos dos que tratar, levantase a sesión da orde da presidencia sendo as doce horas e cincuenta e cinco minutos do expresado día do que o secretario certifica.

 

A entrega do premio será o vindeiro 9 de xuño, en Moldes.

ENTROIDO CONCELLO DE BOBORÁS 2018

O Concello de Boborás terá o 10 de febreiro a partir das 19.00 hora unha gran festa na praza ubicada detrás do concello, que estará amenizada polo grupo IMPERIO. Ademais para todos os asistentes haberá chocolate con churros, e para os máis pequenos hinchable, obradoiro de maquillaxe e agasallos.

O luns 12 de febreiro correranse os Rodos en Pazos de Arenteiro. O punto de encontro será o bar A Ponte ás 21.30 horas. O remata haberá uns pinchos gratuítos para os asistentes, así que preparade os vosos rodos.

 

Animadevos a participar. Totalmente gratuíto.

 

Máis información: cultura@boboras.gal ou 988402008.

O Nadal en Boborás!!!!

Ei que chega o Nadal a Boborás!!! Vamos a recibilo con moitas actividades para os nenos e nenas, e algúns máis grandes.

O 21 actuará o mago Le Grande Martin no cole de Boborás e logo os nenos do centro recibirán a visita de Papa Noel.

Os días 22/26/27/28 e 29 de decembro haberá campamento de Nadal de 9.00 a 14.30 horas ao igual que os días 2/3/4 e 5 de xaneiro de 2018.

O 27 de decembro visitaremos Pazolandia.

O 5 de xaneiro virán as súas maxestades os Tres Reis Magos de Oriente a visitar o Fogar Residencial Blanco Amor de Brués ás 10.30 horas e as 12.00 estarán no salón de Plenos do Concello para escoitar as peticións dos máis cativos do noso concello.

 

Concello de Boborás. Todos os direitos reservados. - Aviso Legal