O Concello de Boborás adheriuse ao proxecto de dixitalización da xestión municipal do ciclo da auga “Ou-intelixente: a provincia da auga”, promovido pola Deputación de Ourense e cofinanciado cos Fondos Next Generation, asociados ao PERTE de dixitalización da auga.

Unha das actuacións prioritarias que contempla o proxecto é a implantación de contadores intelixentes domiciliarios nos concellos de menos de 20.000 habitantes.

A actuación de substitución dos contadores existentes comezará nas vindeiras semanas dentro do mes de setembro en todo o municipio de Boborás e terá carácter totalmente gratuíto para os veciños.

Os traballos serán realizados pola empresa AREMA, para a súa correcta identificación.

🔹 Estes novos contadores permitirán facer a lectura automatizada e detectar calquera incidencia, como posibles avarías ou mesmo manipulacións, constituíndo unha mellora substancial no servizo de abastecemento.

🔹 Ademais, instalaranse medidores de entrada nos depósitos, o que facilitará a detección de problemas nos bombeos.

Por este motivo, róganse os veciños e veciñas que faciliten na medida do posible a actuación da empresa encargada dos traballos, sobre todos nos casos que os contadores non sexan accesibles.

Máis información no 988402008 ou nas oficinas municipais.

Infórmase á veciñanza que nos vindeiros días terá lugar a activación dos servizos de telefonía móbil de nova xeración (4G e 5G) nas bandas 700 e 800 MHz no concello de Boborás.
Esta mellora permitirá conexións móbiles de alta velocidade e cunha mellor cobertura, especialmente no interior dos edificios. Porén, nalgúns casos, podería afectar á recepción da sinal de Televisión Dixital Terrestre (TDT).
➡️ Se detecta problemas na visualización das canles da TDT, pode contactar durante os vindeiros 6 meses co servizo técnico gratuíto de Llega700:
• correo electrónico: ayuda@llega700.es
• tel. 900 831 902
• web: www.llega700.es

O Centro de Atención ao Usuario resolverá as incidencias de xeito gratuito.

BANDO INFORMATIVO

Tendo en conta a situación que se está a vivir na provincia de Ourense coa vaga de incendios forestais que obrigaron á Xunta de Galicia a decretar a SITUACIÓN 2 de emerxencia por incendios forestais, e o índice de risco de incendio forestal actual e previsto, queda PROHIBIDO en todo o termo municipal:

• A utilización do lume para fins recreativos (parrilladas, fogueiras, queimadas…).

• A utilización de artefactos pirotécnicos e derivados (fogos artificiais, bombas de palenque, bengalas, etc.).

• O uso e manexo de maquinaria ou vehículos que comporten risco de ignición.

Esta prohibición quedará en suspenso cando sexa posible pola mellora das circunstancias actuais.

Normativa aplicable

De acordo coa Lei 3/2007 de prevención e defensa contra os incendios forestais de Galicia e normativa derivada:

• Durante períodos de perigo alto, todos os tractores, máquinas e vehículos pesados (incluídos os agroforestais) deben estar equipados con dispositivos antillamas e extintor operativo (Lei 3/2007, art. 39).

• O uso de maquinaria non agrícola nin forestal que poida xerar faíscas (soldadura, radiais, etc.) require autorización expresa da autoridade forestal competente.

• O Nivel 2 de emerxencia implica a incorporación de medios extraordinarios e un control estrito das actividades de risco.

👉 Polo tanto, a maquinaria agroforestal pode empregarse só se conta cos dispositivos de seguridade obrigatorios. En caso contrario, ou se se trata de maquinaria con risco especial de ignición, precísase autorización expresa.

O incumprimento desta orde poderá dar lugar ás sancións contempladas na lexislación vixente.

En Boborás, a 16 de agosto de 2025

A ALCALDESA
O CONCELLEIRO DE EMERXENCIAS

♻ Campaña de Compostaxe Doméstica 2025 – Concello de Boborás

O Concello de Boborás informa do inicio da Campaña de Compostaxe Doméstica 2025, en colaboración coa Deputación Provincial de Ourense, para fomentar hábitos sostibles e reducir o impacto ambiental dos residuos, e conseguir bonificacións na taxa.

📌 Novidades na taxa do lixo:
En cumprimento dunha directriz da Unión Europea sobre xestión de residuos e pola adaptación ao novo modelo de tratamento marcado por SOGAMA, a Deputación aprobou a modificación da Ordenanza Fiscal que regula a taxa provincial de recollida de lixo.
Esta actualización implica un incremento do prezo para cubrir os custos reais do servizo e adaptarse ás novas obrigas ambientais.
• O cobro deixa de ser anual e pasa a realizarse trimestralmente.
• Tarifa base: 79,95 €/ano → 19,98 €/trimestre (que é o que xa recibistes)

💰Existen as seguintes bonificacións dispoñibles:
1. Tarifa reducida 1 → 55,95 €/ano → 13,99 €/trimestre (30% de desconto) por realizar compostaxe doméstica.
2. Tarifa reducida 2 → 71,94 €/ano → 17,99 €/trimestre (10% de desconto) por usar o punto limpo en polo menos 3 ocasións ao ano, presentando o comprobante de entrega do residuo.
3. Tarifa reducida 3 → 47,96 €/ano → 11,99 €/trimestre (40% de desconto) por realizar compostaxe doméstica e usar o punto limpo 3 veces ao ano con comprobante.

🌱 Vantaxes da compostaxe doméstica:
• Obter abono natural de alta calidade para horta ou xardín.
• Reducir residuos e pechar o ciclo da materia orgánica.
• Contribuír á economía circular e loitar contra o cambio climático.

📋 Requisitos para participar:
• Ter a primeira residencia no Concello de Boborás.
• Non ter participado en campañas anteriores.
• Dispoñer dun mínimo de 50 m² de horta ou xardín.
• Estar presente nas visitas programadas (entrega do composteiro e manual).

📅 Prazo para solicitar a bonificación:
Debe facerse antes de rematar o ano 2025, para que entre en vigor no exercicio 2026.

📝 Como solicitar:
• En liña: a través da Sede Electrónica do Concello → https://boboras.sedelectronica.es → Apartado Todos os trámites → Buscar Solicitude de aplicación da taxa provincial de recollida de lixo.
• Descargando o formulario dispoñible na web do Concello e presentándoo na Deputación.
• De forma presencial: acudindo directamente ás Oficinas do Concello de luns a venres, de 8:00 a 14:30 h, onde o persoal municipal lles asesorará no proceso.

Para máis info: 988402008

Descarga aquí o formulario: tríptico_v5

O Concello de Boborás ven de ser beneficiario dunha axuda para a mellora dos camiños interiores  na Aldea Modelo do Penedo dentro da orde de axudas da Consellería do Medio Rural, de proxectos de creación, mellora e ampliación dos servizos básicos locais, que ascendeu a un total de 149.896 euros, sendo o 100% do finanzamento total da intervención e na que tamén se inclúen os honorarios dos técnicos, e contando coa financiación da Unión Europea, a través do Fondo Europeo Agrario de Desenvolvemento Rural (Feader).

Desta maneira a actuación consiste, na pavimentación das rúas, en adoquín e pedra, dando continuidade as actuacións xa levadas acabo anteriormente noutras convocatorias.

Asi o reparto foi o seguinte: